ហ្វេសប៊ុក ៖ ពេលយប់អធ្រាត្រ ជាពេលស្ងាត់ មនុស្សម្នាភាគច្រើនតែងតែយកវេលានេះ ដើម្បីសម្រាក ជួបជុំគ្រួសារ បន្ទាប់ពីធ្វើការហត់នឿយអស់កម្លាំងស្ទើរពេញមួយថ្ងៃ ហើយក៏ជាពេលកើតមានបទល្មើសកើតឡើងជាច្រើនផងដែរ ជាពិសេស ករណីចោ រកម្ម ព្រោះដឹងថាក្រោយធ្វើសកម្មភាពហើយ ក្រុមចោរងាយស្រួលរត់គេចខ្លួន។ នារីម្នាក់បានចែករំលែកបទពិសោធន៍ដែលបានកើតឡើងចំពោះខ្លួន នូវហេតុការណ៍គួរឲ្យប្រុងប្រយ័ត្នមួយ របស់ចោរ ដែលធ្វើសកម្មភាពពេលយប់ តែចោរមិនបានយករបស់របរអ្វីនាងទេ ដោយសារនាងមានគ្នាច្រើន ប៉ុន្តែបានរបួសស្នាមត្រង់ចំណុច.ក។ហេតុការណ៍នេះបានកើតមាន នៅពេលនាង និងមិត្តរួមការងារជាច្រើនផ្សេងទៀត បានចេញពីធ្វើការវេនយប់ម៉ោងប្រមាណ ១២ ថ្ងៃទី១១ ខែកុម្ភៈ ឆ្នាំ២០២១ ហើយបានជិះម៉ូតូរៀងៗខ្លួនត្រឡប់មកលំនៅដ្ឋានវិញ។ ពេលជិះដល់ផ្លូវមួយ ស្រាប់តែមានខ្សែពណ៌សតូចមួយ ត្រូវបានគេរូតឡើងត្រឹម.កម៉ូតូ ដើម្បីកាក់ម៉ូតូឲ្យដួល។ សកម្មភាពបែបនេះ ធ្លាប់កើតមានជាច្រើនករណីហើយ គឺជាសកម្មភាពប្លន់យកម៉ូតូ។តាមប្រភពពីគណនីហ្វេសប៊ុកនារីខាងលើឈ្មោះ នីសា តាកែវ បានសរសេររៀបរាប់ថា៖ «ខ្ញុំនៅភូមិស្វាយ ឃុំធ្លក ស្រុកទ្រាំង ខេត្តតាកែវ ខ្ញុំធ្វើការរោងចក្រពេលយប់ ពេលចេញមកផ្ទះវិញម៉ោង ១២.៣០នាទី មានគេចងខ្សែកណ្ដាលផ្លូវ ធ្វើឲ្យខ្ញុំទាក់កម៉ូតូ នៅភូមិត្រពាំងស្លា (ក្បែរភូមិកំណើត)។ សូមឲ្យបងប្អូនជួយស៊ែរ ប្រយ័ត្នទាំងអស់គ្នា អ្នកធ្វើការរោងចក្រវេនយប់»។ប្រភពដដែលអះអាងថា ខ្លួនជិះម៉ូតូជាមួយគ្នាច្រើនដែរ ប៉ុន្តែនាងជិះក្រោយគេ ទើបក្រុមចោរទាញបន្តឹងខ្សែឡើងកាត់ផ្លូវ បម្រុងប្លន់យកម៉ូតូរបស់នាង តែបានអ្នកជិះម៉ូតូខាងមុខដឹង ក៏បកម៉ូតូមកជួយទាន់។ អ្នកប្រើបណ្ដាញសង្គមជាច្រើនបានជម្រុញ និងលើកទឹកចិត្តឲ្យដាក់ពាក្យបណ្ដឹងទៅកាន់អាជ្ញាធរមូលដ្ឋាន តែនាងបានប្រាប់វិញថា ករណីនេះមានប្រមាណ ១០ពាក្យបណ្ដឹងហើយ ប៉ុន្តែស្ងាត់ជ្រៀបពុំទាន់ឃើញសមត្ថកិច្ចវែកមុខរកជនសង្ស័យបាននៅឡើយទេ៕ប្រភព៖ ខ្មែរឃ្លូបល
អានបន្តសូមជួយស៊ែរផង!! រន្ធត់ណាស់ ជិះម៉ូតូពេលយប់ មានគេចងខ្សែកាត់ផ្លូវ គម្រោងប្ល ន់តែសំណាងល្អនាងមិនអីដោយសារតែ…
