កន្លមកទស្សនិកជនធ្លាប់បានឃើញរួចមកហើយពីជីវិតរស់នៅរបស់ពិធីការិនីរូបស្រស់ សំឡេងពីរោះ ហ៊ិន ចាន់នីរ័ត្ន ដែលនាងចូលចិត្ត ថតរូបស្អាតៗបង្ហាញនៅក្នុងបណ្ដាញសង្គមរបស់នាងជារឿយៗ ។ ទោះបីជាតារាស្រីរូបនេះ តែងតែបង្ហាញខ្លួនឱ្យទស្សនិកជនបានឃើញជាញឹកញាប់នោះក៏ពិតមែន តែពិធីការិនីរូបស្រស់នេះហាក់មិនដែលសូវបានបង្ហាញពីជីវិតឯកជនរបស់ក្រុមគ្រួសារនាង ជាពិសេសអ្នកមានគុណទាំងពីររបស់នាង ឱ្យមហាជនបានឃើញឡើយ ដែលមើលទៅខុសប្លែកពីអ្នកសិល្បៈមួយចំនួនតែងបង្ហាញពីក្ដីស្រឡាញ់ជាសាធារណៈឱ្យទស្សនិកជនបានដឹង ។ ដោយសារតែ ហ៊ិន ចាន់នីរ័ត្ន ពុំសូវបានបញ្ជាក់ពីក្ដីស្រឡាញ់ជូនអ្នកមានគុណនោះ ស្រាប់តែកាលបីពេលថ្មីនេះដែរ ពិធីការិនីរូបនេះបានអញ្ជើញចូលរួមនៅក្នុងកម្មវិធី«ចឹងហ្អ Jeng Or»ពេលនោះដែរ នាងក៏បានរៀបរាប់ពីអារម្មណ៍របស់ខ្លួនទៅកាន់អ្នកមានគុណទាំងទឹកភ្នែក ដោយកន្លងមកនាងមិនសូវធ្លាប់បាននិយាយទៅកាន់អ្នកមានគុណទាំងពីរឡើយ ។ នៅក្នុងកម្មវិធីនោះនាងក៏បានរៀបរាប់ថា៖«នាងចង់និយាយពាក្យថាអរគុណទៅកាន់អ្នកមានគុណ ព្រោះតែពេលខ្លះនាងដឹងថាខ្លួនមិនដែលនិយាយទៅកាន់អ្នកទាំងពីរដោយសារតែនាងមានការអៀនខ្មាស»។ ហ៊ិន ចាន់នីរ័ត្ន ក៏បានរៀបរាប់បន្តទៀតថា៖ «ពេលនេះគាត់ហត់ហើយ នាងក៏បានឱ្យពួកគាត់សម្រាកហើយ នាងមិនចង់ឱ្យអ្នកមានគុណលំបាកបន្តទៀត ថែមទាំងមិនឱ្យបារម្ភពីជីវភាពរបស់គ្រួសារទៀតទេ ព្រោះនាង និង ប្អូន ទៅអនាគតអាចឱ្យពួកគាត់រស់នៅបានស្រួលហើយ».
អានបន្តឃើញហើយចង់យំតាម! ហ៊ិន ចាន់នីរ័ត្ន ទឹកភ្នែកដាបថ្ពាល់ ពេលនិយាយដល់រឿងឪពុកម្តាយ (មានវីដេអូ)
