ដូចដែលប្រិយមិត្តបានដឹងមកហើយថា នៅប្រទេសកម្ពុជាយើង បានផ្ទុះឡើង នៅជំងឺ កូវីត១៩ សារជាថ្មីម្ដងទៀត នៅក្នុង ព្រឹត្រិការណ៍ ២០កុម្ភះ ដែលធ្វើអោយ មានការ ព្រួយបារម្ភយ៉ាងខ្លាំង ពីសំណាក៉ ប្រជាពលរដ្ឋ ទាំងអស់។ ដោយឡែក រហូតមកដល់ថ្ងៃទី២៥ ខែកុម្ភៈ ឆ្នាំ២០២១នេះ ខេត្តកណ្តាល មានប្រជាពលរដ្ឋជាប់ពាក់ព័ន្ធនឹងព្រឹត្តិការណ៍សហគមន៍២០កុម្ភៈមានចំនួន១៥៧២នាក់ ស្រី៨២៣នាក់និងបានយកសំណាកទៅធ្វើតេស្តចំនួន១១២៤នាក់ ក្នុងនោះមាន១៩នាក់ឆ្លងជំងឺកូវីដ១៩។ លោក គ្រុយ ម៉ាឡែន នាយករដ្ឋបាលសាលាខេត្តកណ្តាលបានឲ្យដឹងថា ក្នុងចំណោម១៥៧២នាក់នាក់ នោះ ក្នុងនោះបានបញ្ជូនទៅនៅមណ្ឌលចត្តាឡីស័កចំនួន៨៥៣នាក់ និង៧០២នាក់ធ្វើចត្តាឡីស័កនៅតាមផ្ទះ។ លោកបានបន្តទៀតថា អ្នកឆ្លងកូវីដ១៩ចំនួន១៩នាក់នោះ រស់នៅក្រុងតាខ្មៅទាំងអស់ ក្នុងនោះមាន១៨នាក់ជាជនជាតិចិន កំពុងសម្រាកព្យាបាលជំងឺនៅមន្ទីរពេទ្យជ័យជំនះខេត្តកណ្តាលនិង១នាក់ទៀតជាជនជាតិខ្មែរ កំពុងសម្រាកព្យាបាលនៅ មន្ទីរពេទ្យរបេងភ្នំពេញ។ ពាក់ព័ន្ធព្រឹត្តិការណ៍សហគមន៍២០កុម្ភៈនេះ អាជ្ញាធរខេត្តបានបិទហាងខារ៉ាអូខេយីហោឡូហ្សិក២ ដែលមានទីតាំងស្ថិតក្រុងតាខ្មៅ ខេត្តកណ្តាលបន្ទាប់ពីក្រសួងបានរកឃើញបុរសម្នាក់ឈ្មោះ គង់ ចាន់ឌី អាយុ៣៩ឆ្នាំ បម្រើការងារនៅក្នុងក្លឹបN8 មានផ្ទុកជំងឺកូវីដ១៩ ហើយបុរសរូបនេះមានប្រពន្ធ បម្រើការងារក្នុងហាងផឹកស៊ី និង ខារ៉ាអូខេ យីហោឡូហ្ស៊ិក២។ គួរបញ្ជាក់ថា គិតត្រឹមព្រឹកថ្ងៃទី២៦កុម្ភៈនេះ កម្ពុជាមានអ្នកឆ្លងជំងឺកូវីដ១៩ចំនួន៧៤១នាក់ ក្នុងនោះមានអ្នកជាប់ពាក់ព័ន្ធនឹងព្រឹត្តិការណ៍២០កុម្ភៈចំនួន២៣៤នាក់ និងមានអ្នកជាសះស្បើយចំនួន៤៧៧នាក់ និងអ្នកកំពុងសម្រាកព្យាបាលនៅមន្ទីរពេទ្យចំនួន២៦៦នាក់៕ប្រភព៖កម្ពុជាថ្មី
អានបន្តជួយស៊ែរផង ច្រើនណាស់! មកទល់នឹងពេលនេះ មាន ១៥០០នាក់ជាងហើយ ជាប់ពាក់ព័ន្ធ និង ១៩នាក់ឆ្លង ក្នុងព្រឹត្តិការណ៍២០កុម្ភៈ នៅខេត្តកណ្ដាល
