កាលពីឆ្នាំ ២០២០ មហាជនអ្នកលេងបណ្តាញសង្គមហ្វេសប៊ុក ធ្លាប់បានសរសើរមិនដាច់ពីមាត់រួចមកហើយ ដល់តារាសម្តែង ដួង ម៉ានិច ដែលនាងបានរៀបចំតុបតែងខ្លួនក្នុងឈុតទេវតា ព្រះនាងគោរាគៈទេវី ។ យ៉ាងណាមិញ នៅឆ្នាំ ២០២១ នេះដែរ តារាស្រីស្រស់សោភារូបនេះ ក៏បានតុបតែងខ្លួនដើម្បីអបអរឆ្នាំថ្មីម្តងទៀតហើយ ក្នុងឈុតទេវតាឆ្នាំថ្មី ព្រះនាងមណ្ឌលទេវី ជាបុត្រីទី ៤ នៃកបិលមហាព្រហ្ម ដែលនឹងយាងចុះមកក្នុងឱកាសពិធីបុណ្យចូលឆ្នាំថ្មីប្រពៃណីជាតិ ឆ្នាំឆ្លូវ ត្រីស័ក នាពេលខាងមុខនេះ ។ ក្នុងឈុតនេះដែរ ដួង ម៉ានិច ត្រូវបានមហាជនអ្នកលេងបណ្តាញសង្គម និង អ្នកគាំទ្រ សរសើរយ៉ាងខ្លាំងពីសម្រស់ដ៏ស្រស់ស្អាត ក្នុងឈុតទេវតាដ៏សមសួន ។ លើសពីនោះ ដួង ម៉ានិច ត្រូវបានមហាជនលើកឡើងថា នាងតែងតែជាតារាស្រីដំបូងបានបង្ហាញការតុបតែងខ្លួន និង រូបភាពទេវតាឆ្នាំថ្មីមុនគេជារឿងរាល់ឆ្នាំ ។ តស់! ទស្សនារូបភាព ដួង ម៉ានិច ក្នុងឈុតទេវតាឆ្នាំថ្មី ព្រះនាងមណ្ឌលទេវី ៕ រូបភាព និង រៀបចំដោយ៖ ភួងមាល័យ បាយសីខ្មែរ
អានបន្តផ្ទុះការសរសើរពីមហាជន! ឆ្នាំនេះ ដួង ម៉ានិច តែងឈុតទេវតាឆ្នាំថ្មី ព្រះនាងមណ្ឌលទេវី ស្រស់ស្អាតខ្លាំងណាស់
