កាលពីថ្ងៃទី ០១ ខែមករា ឆ្នាំ ២០២១ ទើបកន្លងផុតទៅថ្មីៗនេះ លោកស្រី ទ្រី ដាណា ធ្លាប់បានប្រកាសនៅក្នុងហ្វេសប៊ុករបស់លោកស្រី ថា “ផ្ទះចាស់លោកយាយនៅព្រៃវែង រុះរើហើយ ដើម្បីសង់ថ្មីជូន ជាងថា ផ្ទះចាស់ រុះទៅផុយអស់ ធ្វើអីក៏មិនកើតដែរ បើនៅតែបន្តិចទៀត អាចរលំដំបូល ជញ្ជាំងធ្លុះធ្លាយអស់ ភ្លៀងមកម្ដងៗ មិនដឹងថាគាត់សម្រាកជាមួយចៅៗស្រី៣នាក់នោះ យ៉ាងណា។ ខ្ញុំបានជូនថវិកាគាត់ 1000$ និងថវិកាឱ្យចៅៗខ្លះ គ្រាន់បានរៀនសូត្រ។ តែឃើញផ្ទាល់ភ្នែក ផ្ទះគាត់ចាស់ពេក នាងខ្ញុំ និងស្វាមី ក៏សម្រេចចិត្តសង់ផ្ទះល្មមមួយជូនគាត់ ដើម្បីកុំឱ្យត្រូវខ្យល់ ត្រូវភ្លៀងទៀត”។ នៅទីបំផុត ផ្ទះថ្មី ដែលលោកស្រី បានសន្យាសង់ជូនលោកយាយ នេះ គឺសង់រួចហើយ មើលទៅពិតជាស្អាត និងធំជាងមុនទៀត ពិសេសមានបំពាក់អំពូលសូឡា នៅមុខផ្ទះទៀត។ លោកស្រី បង្ហាញក្តីរំភើបមួយ ថា “សង់ផ្ទះជូនលោកយាយ និងចៅ រួចរាល់ហើយបងប្អូន ខ្ញុំសប្បាយចិត្តណាស់លោកយាយលែងលំបាកទៀតហើយ”។ ដូចនេះ ដើម្បីជ្រាប កាន់តែច្បាស់បន្ថែមទៀត សូមទស្សនារូបភាព និងវីដេអូខាងក្រោមនេះ ៖
អានបន្តចូលរួមត្រេកអរផង!! ទីបំផុត ផ្ទះថ្មី ដែលលោកស្រី ទ្រី ដាណា សន្យាសង់ជូនលោកយាយ ពេលនេះ ធ្វើរួចហើយ ពិតជាធំ និងស្អាតណាស់ ពិសេសមាន បំពាក់អំពូលសូឡា មុខផ្ទះទៀត…(មានវីដេអូ)
